Fasnacht - Drehorgelspieler

Direkt zum Seiteninhalt

Hauptmenü:

Fasnacht

Wenn de wotsch meh erfahre übers Clique Läbe,
denn chasch uf die eigeni Site goo, vo de Zepf.

www.baslerzepf.ch

Motto der Basler Zepf: Frindschaft pfläge, gmietli sy, das soll unser Leitwort sy.


Zunfthuus zem

Wysse Wind


Bisch in Ziri gstrandet und mechtsch Fasnacht mache?


Mir broobe und pflääge d Basler Clique-Kultur in Ziri,
jede Donnschtig z Oobe

ab de halbi Achti
 im Zumfthuus zem,


Wysse Wind.

Oberdorfstrasse 20

in Ziri



Jo, do am Stammtisch
wird vor und nod'r Proob,
no einiges Diskudiert.

Mir sueche Voordrääbler,
Drummler, Frau,
Ma oder Kind.
Uns findsch am Stamm,
im Zufthuus zem wysse Wind.
Kasch Di mälde bi unserem Oobmaa,
d Adrässe findsch unter
www.Baslerzepf.ch.

oder lüt mir doch eifach a
056/ 426 53 06   076/ 574 53 06
eine vo de Tampoure



Unseri zwei


Sujet Wyybli,


e guets Team.

    Jetzt goht's loos mit em Fasnachtsfieber.  Die erschti Chällerprob.  Sujet-Kommission git Date bekannt,
          wenn und wome sini Larve und s'Goschtym (s'Fasnachtskleidli) cha in Empfang näh, usw-usw !


Offizielles   Fasnacht  Sujet :
2017
Mer spränge dr Raame:


Unser Clique Sujet :


bye bye,

Basel isch elai.







Die neue Plakette sin in däm Johr 2017
in alle 4 Motiv ganz
anderscht gschdaldet.
Kupfer-Silber-Gold und
s' Bijou



Der Plakettenkünstler heisst auch dieses Jahr
Guido Happle.
Er gewinnt den Wettbewerb zum zweiten Mal hintereinander.

Silber
Gold
Bijou







Bye Bye,
Basel isch elai.






Goot s no em BalExit, Bye, Bye,
syn mir Basler-Bebbi bald elai.
Mir dängge nimm fir Anderi globaal,
unser Lääbe wär ganz reegionaal.
Die Loossaagig isch e riskants Projäggt,
aber mer sin iberzigt, dass es fäggt.
Alli Andere kenne uns bloose,
mer wänn nur uff uns sälber loose.
Mer syn nit deerby in däm EU Grippli,
aber mer leffle mit in däm Sippli.
Do wänn mir nimmi mitspiile,
und unser Schiggsaal sälber styyre.
Mer schliesse unseri Stadt.
Dä ganzi Rummel hämmer satt.
Kontrolle mache mer an dr Gränze.
E Guggemuusig duet aine Schränze.
D Elsässer kontrolliere mer am Spaaledoor,
Die Dytsche nämme mer is in Rieche voor.
D Schwyzer und Baselbieter mien sich mälde,
an dr Gränze Breiti zue Birsfälde.
Unseri Armee isch scho gä,
mer wurde Top Secret nä.
Dr Luftruum wird iiberwacht vo Droone,
und fir dr Ordnigsdienscht wurd sichs loone,
alli Sächzig Dambuurmajer z organisiere,
wo sit 50 Joor an iihrem Määhli diniere.
Dienschtwääge vo dr Bolizei, mer sin derfiir,
wärde verschrottet mitsamt em Baschi Dürr.
D Fasnachtsclique iibernämme d Stadtwach,
vo Rieche iibers Glaibasel bis zem Doorebach.
D Stainlemer iiberwache d Staine.
In dr Aesche dien sich d Rätz und Breo veraine.
D Spaale git im Spaaleviertel Schutz,
und d Seibi am Barfi vor em bruune Mutz.
Im Glaibasel sorge fir Ornig, das kunnt aa,
dr Vogel Gryff, dr Leu und dr Wild Maa.
D Ueli mit iirne Kässeli dryybe d Buesse ii,
als Verstäärgig goot d VKB hindedryy.
Die alte Glaibasler und d Schnuurebegge,
iiberwache alli Bolizischte und d Rotliecht-Egge.
D Olymper und d Optimischte,
bringe alli beesi Lyt in d Kischte.
Alli andere Vagabunte-Gselle,
dien mir de Griene Hind zuestelle.
D Schnitzelbänggler iibernämme d Gricht.
In Värsform isch dr Urdails-Bricht.
Fir jedi Verurdailig e aigeni Melodie,
mit emene haitere Spruch hindedryy.  
Mer fordere dass d Waale firs regiere,
s Fasnachtscomitée duet duure fiere.








D Ladäärne-Usstellig uff em Minschterblatz und d Waage-
und Reggwisyte-Usstellig bi dr Kasärne sin vom Määntignacht
bis am Mittwuch demoorge.


D Zeedellääsete isch am Sunntig no dr Fasnacht am 12. Merze
im Käller vo dr Baseldytschi Bihni im alte Lohnhof, 17 – 19 h.

Unsere Zedel schrieber.
Hans Hetzel
bi der Ladärne,-Vernissage. 2016
"Au in däm Joor, (2017)
hät der Hans unsere
Zedel gschriebe."







Bye Bye,
Basel isch elai.






Die neyi Stadtpresidäntin isch grien,
die bhalte mer, wells neyi Bääse dien.
Groosrootsschef wird unsere Majoor.
Als Usslandbasler stellt Aer sich voor.
D Anita Fetz bruuchts nimm in Bärn,
als Botschafteri blibbt sie aber gärn.
Mer wänn schwarz/wyssi Drämmli, Geil,
die Griene schigge mer no St. Louis und Weil.
Fir Turischte gits neye City-Bus.
Innere leere Innestadt e bsundere Gnuss.
Gueti Beziehige zum Elsass mien syy,
firs Gmies und vor allem wägem Wyy.
Die neyi Nationalhymme wär no z erwääne,
bim Wettstaimarsch kääme uns drääne.
Dr Wirtschaft kennti nit Bessers bassiere,
mer wurde sy au oohni Styyrreform abkassiere.
Die andere Wirtschafte, genannt Baize,
die dien uns aigetlig no me raize.
S Ueli-Bier wo me uns het klaut,
wird ab sofort wiider in dr Rhygass braut.
Am Nationfyyrtig an de drei scheenste Dääg,
do syn mir am beschte zwääg.
Theresa May verhandlet mit dr EU knallhart,
do wuurd dr Minu derzue basse, uff sini Art.
D Eva Herzog goot uff Bärn go spanyyfle,
ob d Schwyzer zuestimme dien mir bezwyyfle.
Jetzt wo dr Trump neye US-Presidänt isch,
blibbt dr Draum vom e freie Basel realistisch.
D Globalisierig isch fir Viili aber obstruus,
und e Nationalisierig blibbt au konfuus.

Schlusswort:
«Fake News» ischs Wort vom letschte Joor,
so isch au unseri Gschicht nit woor.
Mir gän, mit em BalExit, däm Kind e Naame,
und spränge mit unserem Draum dr Raame.



Mir sueche Voorträäbler, Pfyffer,
Drummler wo syn zwääg.
Die sette fit sy fir die drei scheenschte Dääg.
Mälde kasch Di bi unserem Obmaa,
d Adrässe findsch uff www.baslerzepf.ch.




D Ladäärne-Usstellig uff em Minschterblatz und d Waage-
und Reggwisyte-Usstellig bi dr Kasärne sin vom Määntignacht
bis am Mittwuch demoorge.


D Zeedellääsete isch am Sunntig no dr Fasnacht am 12. Merze
im Käller vo dr Baseldytschi Bihni im alte Lohnhof, 17 – 19 h.

Unseri Ladärnemoolere
isch's
Zuzka Bosco
vo Ramlinsburg (BL)
rächt's

link's
d'Lampe Bauer

Es sinn wieder drei wunderscheeni Dägg gsi, mit no ganz pasablem Wätter.

Die nägschti Fasnacht isch denn am,
Mändig 19. Februar Pungt vieri am Morge (Morgestraich) bis Mittwuch 21. Februar 2018

am Dunschtig  Punkt  vieri (4Uhr) am Morge,  isch alles wieder für e ganzes Johr verbie.

Also denn, bis zum nächschte Mool.




    " Bummel-Sunndig."        
d'r Clique Bummel 2017

het is uf der Zürcher Flugplatz verschlage.


Do im Swiss Center
hänn mir viel Infos über dab'wigglig,
wo vor jedem Flug vorgnoo wird bicho.

Unseri no agtivi Stewardess,  hätt is,
vo der Holz-bis zur 1Klass,
d'Sitz glägeheite,
sowie au,  was es do so an
Ässe und Trinke alles git
beschtens vor-gviert.

Es isch sehr idrügglich gsi,
was es eigentlich brucht,
bis so e Flugi cha abhebe
und au am Ziel wider sötti sicher
chöne lande.





Und eso sait der Führwehrmaa,-

es isch wieder e ganz e schöni Fasnachtszyt gsy,
mit em Bummel als Abschluss.
Do hett's Wätter am Sunndig guet mit  g'schbild.
Ohni Rägeschutz,
hänn mer's Gässle nonemoole in
volle Züüg chönne gniesse.
Basler Oobe 2016
in Ziri,
mit unsere
Gäscht us Basel,

" de Basler Bebbi."


Uss der Aschbroch vom
Ehreobmaa zum BO.
Uf der linke Syte
So begriess yy d Basler Bebbi ganz speziell
E Clique no altem Schroot und Zeremoniell
E Männerbaschtioon - voll no intaggt,
( E mänge Zopf do draa no immer gnaggt.)
S' isch fir baidi Clique e grosse Gwinn
Will mer zämme hit in Ziri sinn.
Zürcher Trummlebummle
zu Ehre vom
<Zwürbel>
Mit däm Link, hesch d'möglichkeit schöni
Ufnahme vom Zürcher Trummlebummle
azluege.
                                                                                                                                             WWW.BFVA.CH             
 
Zurück zum Seiteninhalt | Zurück zum Hauptmenü