Drehorgel - Shop - Schweighauser

Wenn de wotsch meh erfahre übers Clique Läbe,
denn chasch uf die eigeni Site goo, vo de Zepf.

www.baslerzepf.ch

Motto der Basler Zepf: Frindschaft pfläge, gmietli sy, das soll unser Leitwort sy.

Bisch in Ziri gstrandet und mechtsch Fasnacht mache?
Mir broobe und pflääge d Basler Clique-Kultur in Ziri,
jeede Frytig z Oobe im Zumfthuus zm Wysse Wind.

Offizielles Fasnacht Sujet 2013:

"Zue mir oder zue dir?"

Unser dis' Jährigs Qlique Sujet: 2013

Do swidanja und dowei,
dr Putin legt sich en Ai.

Do swjadanja und dowai,
dr Putin legt sich en Ai.


Achtig: Dä Zeedel do isch zensuriert,
dr KGB het is no Kreml-Metoode schigganiert.
D Wòòred deerfe mir nit schriibe, nur fascht,
suscht landet unseri Clique in Sibirie im Knascht.




D Russe lyyde unter de Zaare autokratisch,
mit yysiger Hand und nit demokratisch.
Zwoor versueche sy s Land z modärnisiere,
vo Poole bis Sibirie duet me alles brobiere.
Glunge isch dääne sälbschtherrligge Iire,
nit, s git Machtkämpf, Uffständ und Wiire.
No 700 Joor, stürzt me dr letschdi Zaar Nikolai,
duur d Revolution leegt me sich s näggschte Ai.


Dr Stalin kunnt mit ere neie imperiale Tradition,
Kommunismus, autokratischi Willkür, dr Loon.
D Schwoobe griffe d Russe a, s git wieder Lämpe.
Dä Grieg ka me mit de Ami zämme beände.
D Kommunitsche griinde d UDSSR, dien wyterfaare.
E Clique im Kreml gnächtet s Volgg wie d Zaare.


Dr Retter isch dr Gorbatschow, "Glasnoscht",
es git e Oeffnig zwische Wescht und Oscht.
S Volgg ka jetze wääle, in däm riise Land,
Dr Boris Jelzin nimmt d Gschigg in d Hand.
Dä neii Regierigsscheff sufft gärn und guet,
het maischtens nur no Wodka im Bluet.
So muess äär bald dr Sässel im Kreml verloo,
dr Waldimir Wladirowitsch Putin isch jetzt do.


Dä basst zerscht wieder d Innebolitigg a,
d Macht sell dr Kreml in dr Zentrale ha.
Aer sait däm "Machtvertikaale", maint dermit,
dass es kaini separatischti Besträäbige git.
Ihm sin d Oligarche e witere Dorn im Aug,
so dass e Dail vo dääne ins Ussland abhaut.
Iiber Anderi dien d Richter saftigi Urdail fälle,
dr Ex-Eel-Magnat Chodorkowski schmoort in ere Zälle.
Do het dr Kreml-Scheff nit unrächt, macht e Graage,
das saigi im Volgg abgstoole, hert me en klaage.


Dr Putin duet d Prässefreihait iizschrängge,
d Opposition deerf nimmi weschtligg dängge.
Gits Protäscht und Demos geege d Regierig,
denn zaigt sich s woohre Gsicht vo dr Kreml-Fiehrig.
D Färnsee-Aastalte losst dr Kreml kontrolliere.
Syn sy oppositionell, dien sy d Lizänz verliere.
D Schurnaalischte wo geege d Regierig schriibe,
kemme ums Lääbe oder me duet sy vertriibe



dr Zeedel isch vom Hezel Hans gschribe worde.

Ladärne
Vernissage:
Sunntig der 17.Februar 2013
e ganz e schöni Ladärne,
mit viel liebi gsaltet und gmoolt,
vo unserem Künschtler
--Kunstmaler--
Heinz Blum (Bliemli)
vo Ziri

FASNACHT,
eifach für jede
Fasnächtler
die 3 schönschte Täg.

Es isch e Morgestraich gsi, bi schönschtem Wätter.

Fasnachts Mändig,

s'Wätter isch no schöner.

Sunneschin der ganz Tag.

Eso, wies halt muess si.

d'r Mittwuch nümm ganz
so schön,
aber es sinn doch no
einzelni Sunnestrahle durecho.

Der Qlique-Bummel isch am,
Sunntig 3.März 2013

d'r Bummel goht ins Joggeli
( ST. Jakob Park )

e gueti Reserve Bank, i'schs A & O vo jedem Verein.

Au e Jubilar, hämmer in unserer Qlique.
Wär ka das vo sich scho sage. !
Sit 50 Johr isch d'r Bärni ununterbrochee e aktive Pfiffer und
Fasnächtler bi de Basler Zepf .
Mir alli gratuliere Dir zu Dim Jubiläum.

dr' Morgestraich isch immer, am
Fasnachts-Anfang.
Mäntig pünklich am Morge
4°°Uhr
Fasnachtsende Donnerstagmorgen 4°°Uhr
Also denn, biss zum nägschte mool.

Es isch e scheeni Fasnacht gsi und
au die nägschti chunt ganz bestimmt.

Fasnacht 2014
vom 10-12.März

Und do no e Phöteli, vo eim
vo minere neuere Freizit-Tätigkeit.